Nos düc sun „Cörs dla Val Badia“ y sc’i laurun adöm, podunse lascé bate n Cör su.
Le proiet vëgn coordiné da n grup de sis porsones
iniziadú dal proiet, jornalist de profesciun, co sont reconescionza da avëi tres podü laoré ennant ince tal tomp de lockdown. Al crëii che la Val Badia ais en gran Cör y na rëi de solidarieté sterscia, co cheriëia punc ince tai momonc manco saorisc.
presidënta dla Unité Pastorala Val Badia. Ara á dagnora albü n cör y na orëdla daverta por les porsones plü debles dla sozieté, dalunc y dampró.
artejan, presidënt de „Artejanat Val Badia“. Al é da tres sté dla convinziun che sce an tëgn adöm y colaborëia, vára da arjunje deplü: tl’economia y tla vita.
surastanta dla Uniun di Ostis HGV Val Badia y presidënta dl Comité por la promoziun dla imprenditoria feminila. Ara é dla convinziun che le motor de na economia é dantadöt les porsones che laora do ia y che á le dovëi moral da ciaré de vigni anel de chësta morona.
ostí de profesciun – Uman por pasciun. Al ti dá valur tambën ai valurs umans y spirituai co ince a chi materiai de cösc monn. La reconescionza por ci che i án la fortüna da vire y ester – cösc proel da porté ennant te söa vita da vigne de.
coordinadú dl Sorvisc ai Jogn Val Badia. Al se porta ite da agn por plü atenziun y respet devers les situaziuns de mituns y mitans, jogn y jones de nosta valada, che é chi che tolará indoman le monn te sües mans.
Le Grup Volontariat Val Badia – ONLUS é l’assoziaziun che ti fej da patrozine al proiet
„Cörs dla Val Badia“ é n proiet de solidarieté nasciü dala orenté da fá val’ deboriada por nes sostigní te chësta situaziun particolara, che nes mët düc canc de val’ vers ala proa. Le proiet pëia ia dal sintí che mai plü co sëgn él important da tigní adöm y mostré unité, tla convinziun che deboriada podunse arjunje deplü y che deboriada sarunse bogn da passé ia plü saurí ince chësta desfida.
„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.