info@solidariete.it

Proiet Cörs dla Val Badia

PROIET

„Cörs dla Val Badia“ é n proiet de solidarieté nasciü dala orenté da fá val’ deboriada por nes sostigní te chësta situaziun particolara, che nes mët düc canc de val’ vers ala proa. Le proiet pëia ia dal sintí che mai plü co sëgn él important da tigní adöm y mostré unité, tla convinziun che deboriada podunse arjunje deplü y che deboriada sarunse bogn da passé ia plü saurí ince chësta desfida.

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

„Cörs dla Val Badia“ se tol dant da

– daidé porsones/families da passé ia momënc de dificolté finanziara

– sostigní le cërtl economich local

– sostigní la solidarieté danter la jënt

– mostré che i podun fá val’ instësc

– sintí y lascé sintí che se daidé fora é fontana de forza y ligrëza

Nostes convinziuns

– La jënt dla Val Badia á n Cör sozial y dëida ion

– L’economia dla Val Badia pënsa ince a sü colaboradus, sënt responsabilité por ëi y á ion sce ara ti vá bun

– Unité, solidarieté y umanité descëda forzes y creativités nöies

Vaigun da somié

I podun vaighé da somié y crëie che val’ de gran é poscibil, che i podun alzé le ce y lascé n sëgn sterch, che i sun bogn da tigní adöm canche ara vá bun, mo ince canche ara vá manco bun.

Cörs dla Val Badia

I sun düc chiló l’un por l’atra

A os che i dëis Aiüt te val’ forma ves dijunse n gran Dilan, y a chi che pó ciafé l’Aiüt ti metunse a cör da s’infidé y le damané do. Al n’é colpa de degügn de nos sce i sun rová te chësta situaziun y al n’é degügn che mëss se dodé sce al é rové te dificoltés. I orun ester chiló l’un por l’atra.

Lasciun bate deboriada i „Cörs dla Val Badia“.

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

Bancarela dl mangé a Picolin
27. August 2021
Dilan ai Scizeri d’La Pli
12. Juli 2021
Na uma scrii y rengrazia
18. Juni 2021