info@solidariete.it

Osta spëisa sön mësa de tröpes families

Compagnes y Compagns de „Cörs dla Val Badia“,

cun incö él sté la terza edema che i un podü tigní davertes les bancareles dl mangé da San Martin y Al Plan. Te chëstes edemes él sté passa 70 families che á podü se tó o ciafé n pü’ de spëisa debann, ci che á porté pro da ti alisiré de val’ vers le bilanz finanziar dla familia, olache al é situaziuns dër desvalies y gonot ince pesoces da porté.

Damperfora oresson nos dl grup de laur n iade rengrazié dër dassënn dötes y düc os che i ëis metü valch sön les scafes fora por les botëghes. Zënza osc aiüt ne jissera mai da mëte da jí le sorvisc. I ëis davëi mostré na gran mania leria y i podun ves garantí che la spëisa é rovada a bun post.

N pinsier oresson ince fá al’afermaziun che an alda gonot: Chësc é ma val’ por „Ausländer“ o al é ma „Ausländer“ che ciafa. Damperfora oresson dí che la Val Badia é oramai na comunité olache al é dlungia i ladins n gröm d’atri lingac y d’atres cultures. I sun indere na comunité – jënt che abitëia chiló, mitans y mituns che vá a scora chiló, compagnes y compagns de üsc y nüsc mituns. Nos ciarasson plü ion al aspet de comunité. I oresson indere alzé fora che cotan de families ladines tira benefiz sides dla spëisa y damana do contribuc. Nosc aiüt vel por düc i cörs dla Val Badia. Ci che nes savess sciode, é sce l’afermaziun o le pinsier (falz) che al é ma chi da foradecá che ciafa arferass la ona de solidarieté. Le bojëgn é tres ciamó gran. I sperun y inviun ince tröc d’atri da gní ala bancarela, aspetan tëmps plü saurisc. Döt le bun a düc.

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

Bancarela dl mangé a Picolin
27. August 2021
Dilan ai Scizeri d’La Pli
12. Juli 2021
Na uma scrii y rengrazia
18. Juni 2021