Ince la Cassa Raiffeisen Val Badia á orü sostigní le proiet „Cörs dla Val Badia“. Insciö él gnü conzedü n contribut de 1.000,00€ che é gnü adoré por curí spëises por mëte da jí le proiet, y lapró él ciamó gnü metü a desposiziun 1.000,00€ destiná ai contribuc finanziars por les families. Le grup de laur „Cörs dla Val Badia“ rengrazia la Cassa por le gran sostëgn y por la sensibilité che ara desmostra por la jënt söl teritore.
