Exif_JPEG_420
Compagnes y Compagns de „Cörs dla Val Badia“
en vëndres ai 26 de merz é piades ia a San Martin y Al Plan les bancareles dl mangé. Por gran mirit de döt ci che os ëis cumpré ite surapró y lascé sön les scafes tles botëghes, él gnü adöm n gröm de bun patüc. Patüc che á scinché tröpa ligrëza. Bele tl pröm dé án podü ti fá avëi n pü’ de spëisa a 19 families de nosta valada. N bun mëteman, aratunse nos.
I tolun chësta ocajiun por recordé che les bancareles dl mangé é davertes vigni edema
Badia: jöbia dales 9:30 ales 10:30, tla Ciasa di Pici basite a San Linert
San Martin: vëndres dales 9:30 ales 11:00 jö dal ciamp dal palé a San Martin
Al Plan: vëndres dales 9:30 ales 11:00 tl local dl Zënter Families Mareo
I oresson davëi alzé fora che les bancareles ne n’é nia ma por „püri cosci“. Ares raprejentëia öna na forma de aiüt. I savun che le mangé fej fora vigni mëis na gran soma tl bilanz familiar. Tres la bancarela orunse pité n alisiramënt finanziar y forsc ince psicologich.
I metun porchël a cör da s’infidé y fá le vare da gní adalerch. Al n’é degügn che iudichëia, al n’é degügn che fej osservaziuns desplazades. Plü families l’á bele fat, y é contëntes cun chësc aiüt.
