Deplü porsones y families á fat domanda pro i „Cörs dla Val Badia“ por ciafé n contribut tla forma che al vëgn surantut cunc o fatures por bojëgns primars. Les situaziuns é les plü desvalies y al é bel sce ara vá deboriada cun Os ch’i ëis fat spënores o metü val’ sön les scafes da pité na alisiraziun. Na familia nes á scrit por di DILAN.
AI SCRI INSCIÖ
„A inom de döta mia familia oressi ves rengrazié por nes ester stá dlungia te chësc tëmp scür. I ne sá nia co che i esson fat zënza osc aiüt, sides cun i alimentars y sides por paié l’afit de ciasa y d’atres spëises. N gran gran Dilan a inom de nos düc. Dilan ch’i sëis chiló.“
N Dilan che i dun ion inant ince a Os che i ëis mostré n Cör por i atri. Y i tolun n iade implü l’ocajiun da invié porsones y families che pó adoré n aiüt, da s’infidé. 
