info@solidariete.it

Le „De de volontariat“ á porté de bugn früc

Danter les aziuns inviades ia por sostigní le proiet „Cörs dla Val Badia“, n’él ince öna olache trëi stüdi da estetista de nosta valada á metü a desposiziun so talënt por ti fá dl bëgn nia ma a sües cliëntes y cliënc, mo ince ala jënt rovada en dificolté. Les protagonistes de chësta aziun é Elisabeth Trebo dl stüde „Elisir – Estetica y belëza“ da San Martin de Tor, Schirin Alton dla „Estetica San Vigilio by Schirin“ a Al Plan y Serena Conrater dla „Estetica Serenité“ da Calfosch.

Ai 7 d’aurí áres fat deboriada n „De de Volontariat“, olache les entrades de düc i tratamënc fac en chël de é gnüdes passades inant sciöche spënora al proiet „Cörs dla Val Badia“. Cun süa aziun él gnü trat ite la bela soma de 466,00€, che jará inant a families che á debojëgn. Döt le grup de laur oress ti dí a Elisabeth, Schirin y Serena 466 Dilan por so spirit d’iniziativa y por süa solidarieté.

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

Bancarela dl mangé a Picolin
27. August 2021
Dilan ai Scizeri d’La Pli
12. Juli 2021
Na uma scrii y rengrazia
18. Juni 2021