info@solidariete.it

Fatures paiades, prömes families daidades

Damperfora oresson nos dl proiet „Cörs dla Val Badia“ ves dí n gran GIULAN/DILAN/IOLAN por vigni contribut ch’i ëis dé: cun spënores, cun alimënc, cun üsc talënc. Vignöna y vignun de os porta pro da lascé vire döta l’iniziativa, da lascé bate i Cörs.

Indere: le proiet pó impormó garaté deplëgn sce i aiüc röia ince a destinaziun.

Do ch’i un podü incundé inier le start dles bancareles dl mangé, él incö indô na buna noela. En sëra s’á abiné la comisciun che ti ciara jö ales domandes de contribut y bele incö danmisdé unse podü curí i pröms cunc: por 2 families dla valada él gnü surantut n total de 884,33€. I recordun che i ciafëis tresfora sön nosta plata internet solidariete.it la soma dles spënores gnüdes ite, le numer de families daidades y le total dles somes paiades fora. I orun ester le plü trasparënc che ara vá.

Cun chësc renovunse ince l’invit ales porsones/families che á debojëgn, da damané do le contribut. I odun dales spënores, dala gran cuantité de alimentars y da ostes beles iniziatives personales che al é te nosta valada tröpes porsones che ó daidé. I inviun porchël da s’infidé. Al basta scrí fora le formular aposta, che i podëis mené ite te plü manires.

Dötes les informaziuns ciafëise chiló: www.solidariete.it/contribuc/

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

Bancarela dl mangé a Picolin
27. August 2021
Dilan ai Scizeri d’La Pli
12. Juli 2021
Na uma scrii y rengrazia
18. Juni 2021