info@solidariete.it

Dilan… 10.000 iadi

I Ëis dé na resposta sensazionala. Püc dis do che l’aziun „Cörs dla Val Badia“ é piada ia, ëise bele fat spënores por passa 10.000,00€. I ves dijun porchël a dötes y düc almanco 10.000 iadi Dilan… por la osta mania leria, por la desponibilité y por le Cör che i desmostrëis por i atri.

I tolun chësta ocajiun da invié les porsones che despassa na strentöra finanziara, da anuzé la poscibilité y damané do n contribut. Tan inant che al é les condiziuns, surantolunse (en pert o daldöt) cunc o fatures che á da fá cun bojëgns primars. Chiló toca sambëgn spëises che á da fá cun le scialdé, forza eletrica, afit, bojëgns por la scora o ince spëises de carater sanitar… magari spëises che i ëis cina sëgn tres messü sburlé. I inviun dassënn da nia ves dodé da damané do. Al foss tan bel sce se daidé fora, se consintí y ester chiló por i atri gniss la normalité.

Dötes les infos sön co che al é da fá por damané do n contribut, ciafëise sot a chësc link

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

Bancarela dl mangé a Picolin
27. August 2021
Dilan ai Scizeri d’La Pli
12. Juli 2021
Na uma scrii y rengrazia
18. Juni 2021