info@solidariete.it

Dër bel Iolan/Dilan/Giulan

Ince sce an n’alda nia tröp…. l’aiüt vá inant.

Tröpes é stades les porsones che á tles ultimes edemes fat na spënora al proiet „Cörs dla Val Badia“ y á mostré insciö n Cör davert por porsones de nosta valada che l’á manco saurida. I oresson porchël tó l’ocajiun da Ves dí a vigöna y vignun de os n Iolan/Dilan/Giulan scrit gran. Cun Ostes spënores unse indô podü respogne a valgönes domandes do aiüt, cun Ostes spënores unse podü alisiré valgügn crüzi, cun Ostes spënores unse podü porté n sorí te valgünes families.

Al é bel sce i podun nes daidé fora l’un cun l’atra. Sce tröc dëida, vára plü saurí.

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

Le Seniorenclub Mareo dëida i „Cörs dla Val Badia“
20. August 2022
Giulan al Consëi de Formaziun Corvara
2. Juli 2022
Bun Nadé
25. Dezember 2021