info@solidariete.it

Contribuc „CÖRS DLA VAL BADIA“ – Fajede domanda

Tla cornisc dl’aziun „Cörs dla Val Badia“ recordunse che al é ince la poscibilité da ciafé contribuc finanziars, tla forma che al vëgn surantut cunc o fatures por debojëgns primars: scialdé (gasöre, pellets, gas etc.), afit, assiguraziuns por la ciasa, spëises sanitares, por la scora etc.

CHE PÓ PA DAMANÉ DO?

Porsones/families residëntes tla Val Badia

CI ÓL PA ESTER?

Scrí fora la domanda sön formular aposta che i ciafëis sön solidariete.it o tles botëghes pro les scafes „Cörs dla Val Badia“

LAPRÓ ADORUNSE

– copia cherta d’identité y codesc fiscal

– zertificaziun dl saldo dl cunt bancar/posta che ne dess nia superé i 12.500,00€

– copia di cunc/fatures che i ëis da paié

Al é sté n gröm de porsones dla Val Badia che á fat spënores cun la orenté da daidé jënt tl debojëgn. Indöt él gnü ite passa 25 mile euro de spënores. Paié fora unse cina sëgn 8.125,45€ a 14 families. Al é porchël ciamó contribuc a desposiziun. Infidessan.

DISCREZIUN AL PRÖM POST

I un odü che porsones se tëm o se doda da damané do contribuc. Ai se tëm dal iudize di atri, da ne podëi spo nia plü s’infidé da se vaghé valch. Al foss sciode sce jënt tl debojëgn ne damanass nia por chëstes rajuns. Nos garantiun la plëna discreziun: al ne vëgn no iudiché, no ciacolé inant o surandé informaziuns de chi che damana a d’atri o a istituziuns. Dlungia jënt che dëida ól ince ester jënt che se lascia daidé. Vaghede le vare. Al paia la mëia.

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

Bancarela dl mangé a Picolin
27. August 2021
Dilan ai Scizeri d’La Pli
12. Juli 2021
Na uma scrii y rengrazia
18. Juni 2021