info@solidariete.it

„Cörs dla Val Badia“ ó daidé inant

Sce i tignun adöm, vára plü saurí. (Foto: Freepik)

Cares amiches y cari amisc de „Cörs dla Val Badia“, dô 8 mëisc de proiet, él ora da fá n pice bilanz dles spënores, por chël che ince Os ëis n gran mirit.

Tres le proiet él gnü ite la bela soma de 30.049,49€ de spënores. Cina sëgn án podü daidé impara 29 families/porsones, cun contribuc de 28.702,06€. Daidé án sambëgn ma families residëntes tla Val Badia, y de chisc scioldi é 23.845,78€ (le 83,08%) jüs a families ladines.

N gran Dilan a dötes y düc chi che á fat na spënora!

Deache an á odü che al é tres indô situaziuns de gran debojëgn, independentamënter dal Covid, á le grup de laur tut la dezijiun da porté inant le proiet. Daidé pón indere mâ cun scioldi dles spënores che vëgn ite. Sce i aratëis che al pois ester na buna cossa, ves inviunse da fá na spënora sön le cunt „Cörs dla Val Badia“, IBAN IT29V 08010 58180 000302018519

Vigni domanda vëgn valutada da na Comisciun. A chi che daidará ciamó, dijunse n gran dilan dla bona man. Y chi che á debojëgn é inviá da s’infidé da damané do aiüt. Tignun adöm!

Dötes les informaziuns ciafon sön www.solidariete.it o ti ofizi KVW d’Al Plan y Badia.

Rai de speranza

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.

News

La Bancarela a Picolin palsa
14. Oktober 2021
Bancarela dl mangé a Picolin
27. August 2021
Dilan ai Scizeri d’La Pli
12. Juli 2021