info@solidariete.it

Che y co daidunse pa?

Cörs dla Val Badia

CHE Y CO DAIDUNSE PA?

Che daidunse pa?

  • porsones/families che stënta da rové ala fin dl mëis
  • porsones/families che stënta da se cumpré ite la spëisa da vignidé
  • porsones/families che stënta da garantí i bojëgns fondamentai

Co daidunse pa?

Le proiet se basëia sön cater pilastri:

  • Sostëgn cun surantó en pert o daldöt cunc/fatures por debojëgns primars
  • Sostëgn cun alimentars a desposiziun te plü botëghes dla valada
  • Sostëgn cun bonns da scinché ia, por sostigní les ativités dla valada
  • Sostëgn da vignun de os, privac o firmes, che mët a desposiziun so tëmp y/o savëi

„Cörs dla Val Badia“ é n proiet de solidarieté nasciü dala orenté da fá val’ deboriada por nes sostigní te chësta situaziun particolara, che nes mët düc canc de val’ vers ala proa. Le proiet pëia ia dal sintí che mai plü co sëgn él important da tigní adöm y mostré unité, tla convinziun che deboriada podunse arjunje deplü y che deboriada sarunse bogn da passé ia plü saurí ince chësta desfida.

„Cörs dla Val Badia“ é n proiet porté da porsones fora dla vita soziala, religiosa y economica dla valada, che á orü lié les forzes por lascé slominé n rai de speranza y dé n messaje positif te n tëmp olache tröpes porsones á crüzi y fistidi.