Spënora
Al vëgn sostigní la jënt de nüsc paisc y nos fajun le poscibil por che l’aiüt röies tl dër post.
Este na porsona che á la fortüna da podëi lauré?
Este na dita che se stá saurí y á da laur?
N’aste nia podü tó sö döt le personal y oress lascé n sëgn?
Oste scemplamënter dé n contribut por i atri?
Anfat ciüna che pó ester tüa motivaziun. Sce t’os, poste lascé bate i „Cörs dla Val Badia“ cun na spënora de scioldi. Chësta vá a bëgn de porsones o families residëntes tla Val Badia che passa n tëmp de dificolté. Al vëgn sostigní la jënt de nüsc paisc y nos fajun le poscibl por che l’aiüt röies tl dër post.
Te ciafes scemai ince na zertificaziun por tüa spënora, che te pos trá jö dala detlaraziun di davagns.
Les spënores vëgn publicades sön la plata internet dl proiet (ma l’inom, nia le cognom).
Sce t’os resté anonim daldöt, spo mët prëibel pro la causala la parora „Anonim“.