info@solidariete.it

ALIMENTARS

Dá to contribut por i atri cumpran val’ surapró te öna dles botëghes che tól pert al proiet.
0
Donors
0.00 €
Donated

Alimentars

Mangé é un de nüsc bojëgns primars y ince öna dles majeres spëises por les families. Te pos dé to contribut por i atri cumpran val’ surapró te öna dles botëghes nominades dessot: n liter de lat o d’öre, na scatora d’üs, n poch de pasta, früc…. ci che tö arates.

Dedô poste le lascé jö sön la scafa aposta olache te ciafes le logo „Cörs dla Val Badia“. Dailó él porsones y families che pó s’al tó para. I produc che ne vëgn nia tuc para, vëgn coiüs adöm n iade al’edema y metüs a desposiziun pro la Bancarela dl mangé (Banco Alimentare) de Badia, San Martin y Al Plan. Ai jará a vigni moda a bëgn de families che á debojëgn.

I te inviun da cumpré alimentars che an adora te vigni ciasa. Olache ara vá, te inviunse da ti dé atenziun a produc sagns, de nüsc raiuns y de nüsc produturs locai.

Chëstes é les botëghes che fej para

  • Alimentari Pescosta, Calfosch
  • Alimentars Kostner, Corvara
  • Despar Zingerle, Corvara
  • Despar da Franz, San Ciascian
  • Sport Tony - Conad City, La Ila
  • Despar Cavallino, Badia
  • Despar, La Val
  • Market Prousch, San Martin
  • Gol Market, Lungiarü
  • Market Winkler, Antermëia
  • Gol Market, Longega
  • Eurospar Trebo, Al Plan
  • L’Apetit, Al Plan